Талдықорған қаласындағы Б. Жолбарысұлы атындағы №18 орта мектеп-лицейінде «Мәдениетті ана – мәдениетті ұлт» жобасы аясында «Бала тәрбиесіндегі ата-ананың рөлі» атты мазмұнды кездесу өтті. Шара отбасылық құндылықтарды ұлықтау мен ата-ана жауапкершілігін арттыруға бағытталды.
Бүгінгі күннің басты міндеті – саналы, тәрбиелі және ұлттық құндылықтарды бойына сіңірген ұрпақ тәрбиелеу. Осы орайда өткен басқосу мектеп пен ата-ана арасындағы алтын көпірге айналды.
Тәрбие – тал бесіктен басталады
Кездесудің басты спикері – Жетісу облыстық Аналар кеңесінің төрағасы Баймадиева Несіпжамал Қасымбекқызы бала тәрбиесіне қатысты тағылымды ойларын ортаға салды. Ол ана мәдениетінің ұлт болашағына тигізер әсері туралы тереңнен толғады.
Ашық пікір алмасу
Кездесу еркін форматта өтіп, ата-аналар өздерін толғандырған сұрақтарын қойып, мамандардан тұщымды жауаптар алды. Бұл диалог ата-аналардың тәрбие ісіне деген жаңаша көзқарасын қалыптастыруға мүмкіндік берді.
Шара қорытындысы: Мұндай кездесулер мектеп пен ата-ананың бірлігін нығайтады. Ұрпақ тәрбиесі – ортақ іс, ал оның жемісі – мәдениетті әрі білімді ұлт.
Нұрай Үсен