Басшылық - “Жетісу облысының ішкі саясат басқармасы” ММ “Қоғамдық келісім” КММ

ИСАБАЕВ БЕЙБІТ ӨКСІКБАЙҰЛЫ

ЖЕТІСУ ОБЛЫСЫНЫҢ ӘКІМІ

Білімі

Бейбіт Өксікбайұлы Исабаев 1962 жылы Алматы облысында туған.

С.М.Киров атындағы Қазақ мемлекеттік университетін, Қазақстан Республикасы Сыртқы істер министрлігінің Дипломатиялық академиясын бітірген. Мамандығы – журналист, халықаралық қатынастар маманы. Төтенше және Өкілетті елші дипломатиялық дәрежесі бар, саяси ғылымдардың кандидаты.

Мансап

1985-1994 жылдары әртүрлі бұқаралық ақпарат құралдарында жұмыс істеді. «Өркен» – «Горизонт» газеттерінің бас редакторы, Қазақ мемлекеттік телерадио кешенінің бас директоры болды.

1994-1997 жылдары Алматы қаласы әкімшілігінде басшылық қызметтер атқарды, қала әкімінің орынбасары болды.

1997-2000 жылдарда – Қазақстан Республикасы Сыртқы істер министрлігі Дипломатиялық академиясының тыңдаушысы, Сыртқы істер министрлігі Әкімшілік департаментінің директоры.

2000-2002 жылдары Қазақстан Республикасы Премьер-Министрі Кеңсесінің Үкіметтік ақпарат бөлімінің меңгерушісі лауазымын атқарды.

2002-2003 жылдары – Қазақстан Республикасы Сыртқы істер министрінің кеңесшісі, Сыртқы істер министрлігінің Ерекше тапсырмалар жөніндегі елшісі, Қазақстан Республикасының «Орталық Азия ынтымақтастығы» ұйымы мәселелері жөніндегі ұлттық үйлестірушісі.

2003-2008 жылдарда Қазақстан Республикасының Пәкістан Ислам Республикасындағы Төтенше және Өкілетті Елшісі, Қазақстан Республикасының Түркия Республикасындағы Төтенше және Өкілетті Елшісі, Қазақстан Республикасының Албания Республикасындағы Төтенше және Өкілетті Елшісі қызметін қоса атқарушы болды.

2008-2009 жылдарда Қазақстан Республикасының Мәдениет және ақпарат вице-министрі, Қазақстан Республикасы Президентінің баспасөз хатшысы қызметтерін атқарды.

2009-2019 жылдары – Қазақстан Республикасының Қырғыз, Әзербайжан республикаларындағы Төтенше және Өкілетті Елшісі.

2019-2022 жылдар аралығында Қазақстан Республикасы Президентінің Парламенттегі өкілдігінің басшысы, Парламент Сенатының депутаты, Әлеуметтік-мәдени даму және ғылым комитетінің төрағасы болды.

2022 жылдың 11 маусымынан бастап – Жетісу облысының әкімі.

Үйленген, үш баласы бар.

Игенбай Айдос Назкенұлы

“Жетісу облысының ішкі саясат басқармасы” ММ “Қоғамдық келісім” КММ басшысы

Игенбай Айдос Назкенұлы 1988 жылғы 18 қаңтарда Жетісу облысы Талдықорған қаласында дүниеге келген. Жоғары білімді.

2010 жылы Әл-Фараби атындағы Қазақ ұлттық университетін «Әлеуметтану» мамандығы бойынша тәмамдаған. 2012 жылы аталған оқу орнында әлеуметтік білім магистрі дәрежесін алған. Орыс тілінде еркін сөйлейді.

Еңбек жолын қаржы саласында бастап, кейін ғылыми-педагогикалық қызметке ауысты. 2013–2016 жылдары І. Жансүгіров атындағы Жетісу мемлекеттік университетінің философия және саясаттану кафедрасында оқытушы, кейін аға оқытушы болып еңбек етті. Сонымен қатар, «Дін саласындағы мәселелерді зерттеу орталығында» талдау және мониторинг бөлімінің маманы, кейін директордың орынбасары және директордың міндетін атқарушы қызметтерін атқарды.

2018 жылы Алматы облысының ішкі саясат басқармасына қарасты «Талдау және болжау орталығының» басшысы болып тағайындалды. Кейін Алматы облысының Дін істері басқармасына қарасты зерттеу орталығында бөлім бастығы қызметін атқарды.

2021 жылдан бастап Қазақстан Республикасы Ақпарат және қоғамдық даму министрлігінің Этносаралық қатынастарды дамыту комитетінде бас сарапшы, кейін этномәдени бірлестіктермен өзара іс-қимыл басқармасының басшысы қызметтерін атқарды. Одан кейін Дін істері комитетінде оңалту жұмыстары мен өңірлік үйлестіру бағыттары бойынша бас сарапшы ретінде еңбек етті.

2026 жылы Жетісу облысының «Қоғамдық келісім» коммуналдық мемлекеттік мекемесі басшысының орынбасары қызметіне тағайындалды. 2026 жылғы 12 маусымнан бастап Жетісу облысының ішкі саясат басқармасына қарасты «Қоғамдық келісім» коммуналдық мемлекеттік мекемесінің басшысы қызметін атқарып келеді.