Магеррамов Фахреддин Джабраилович
Көксу ауданының «Нахичивань» әзербайжан ұлттық-мәдени орталығы» қоғамдық бірлестігінің төрағасы
Этномәдени орталықтың қызметінің негізгі мақсаттары:
- әзербайжан мәдениетін, тілін, салт-дәстүрлерін, әдет-ғұрыптары мен ұлттық рәсімдерін сақтау және дамыту, ұлттық және этносаралық қатынастардың үйлесімді дамуына ықпал ету.
Қойылған мақсаттарға қол жеткізу үшін «Нахичивань» әзербайжан ұлттық-мәдени орталығы» қоғамдық бірлестігі мынадай қызмет түрлерін жүзеге асырады:
- этносаралық қатынастарды жетілдіруге, түрлі этнос өкілдері арасындағы достық пен өзара түсіністікті нығайтуға, өңірде тұратын халықтар мәдениеттерінің өзара байытылуына жәрдемдесу;
- ұлттық мәдениетті, тілді, ұлттық рәсімдерді, әдет-ғұрыптар мен салт-дәстүрлерді жаңғыртуға, сақтауға және дамытуға, сондай-ақ олардың тарихын зерделеуге бағытталған мәдени-ағартушылық жұмыстар ұйымдастыру;
- өңірде тұратын халықты әзербайжан халқының мәдениетімен, тарихымен, дәстүрлері мен әдет-ғұрыптарымен таныстыру;
- бұқаралық ақпарат құралдары, көркемөнерпаздар шығармашылығы, қолданбалы өнер және басқа да шығармашылық бірлестіктер арқылы әзербайжан халқының тарихын, мәдениеті мен өнерін насихаттау;
- әзербайжан халқы өкілдерінің басқа халықтардың тілдері мен мәдениетін зерделеуіне жәрдемдесу;
- ұлттық, сахналық, вокалдық-хореографиялық өнер бағыттары бойынша көркемөнерпаздар ұжымдарын құру және олардың көпшілік алдында өнер көрсетуін ұйымдастыру, шығармашылық ұжымдардың құрамын толықтыру үшін таланттарды анықтау мақсатында конкурстар мен басқа да іс-шаралар өткізу;
- аса дарынды жастардың арнаулы білім алуына жәрдемдесу;
- көрмелер мен студиялар ұйымдастыру жөнінде ұсыныстар енгізу;
- ұлттық мәдениеттер мен тілдер мерекелерін ұйымдастыруға және өткізуге қатысу;
осы бағыттағы басқа да орталықтармен және қоғамдармен, ғылыми, ағартушылық және мәдени орталықтармен ынтымақтастық орнату.