Талдықорған қаласында «Отбасы құндылықтары және Конституция» атты мазмұнды басқосу ұйымдастырылды. Шараның басты мақсаты – отбасы институтының маңызын арттыру, ұлттық құндылықтарды сақтау және Ата Заңымызда бекітілген адамгершілік қағидаларды насихаттау болды.
Бұл кездесу қоғам мен мемлекеттің дамуындағы отбасының рөлін жаңа қырынан талқылауға мүмкіндік берді.
Жиын барысында Конституцияда бекітілген отбасылық құқықтар мен міндеттер кеңінен сөз болды. Қатысушылар ұлттық тәрбие мен құқықтық мәдениеттің өзара байланысына баса назар аударды.
Кездесу еркін форматта өтіп, қатысушылар өз отбасыларындағы тәрбие үлгілерімен, өмірлік тәжірибелерімен бөлісті. Аға буын мен жастар арасындағы сабақтастық жиынның мазмұнын байыта түсті.
«Отбасы – тек қана адамның жеке өмірі емес, бұл – ұлттық тәрбиенің қайнар көзі. Ата Заңымызда көрсетілген адамгершілік құндылықтар ең алдымен отбасыда қалыптасады», — деді жиынға қатысушылар.
Мазмұнды әрі тағылымды өткен бұл жиын қатысушыларға ерекше ой салып, отбасы құндылықтарын ұлықтаудың маңыздылығын тағы бір мәрте дәлелдеді.