Идигов Атсалим Саламович
Жетісу облыстық Қазақстан халқы Ассамблеясы жанындағы «Жетекші журналистер» клубының төрағасы
1954 жылы Талдықорған облысы, Көксу ауданы, Октябрь (Жарлыөзек) ауылында көп балалы отбасында дүниеге келген. Киров атындағы Қазақ мемлекеттік университетін бітірген. Мамандығы – журналист.
Университетті бітіргеннен кейін Талдықорған аудандық «Заря» газетінде тілші, бөлім меңгерушісі, басшының орынбасары қызметтерін атқарды.
Оның республикалық және облыстық бұқаралық ақпарат құралдарында мемлекеттік тілді, қазақ халқының салт-дәстүрін насихаттауға арналған бірқатар мақалалары бар. Мақалалар топтамасы Қазақстан халқы Ассамблеясының қызметі және қоғамдағы бейбітшілік пен келісімді сақтау мен нығайту рөліне арналған.
- Қазақстандағы белгілі журналист және қоғам қайраткері
- Қазақстан халқы Ассамблеясының мүшесі
- «Нұр Отан» ХДП саяси кеңесінің мүшесі
- Қазақстан Журналистер одағы сыйлығының лауреаты
- Қазақстан Республикасы Президенті сыйлығының лауреаты
- «Шаңырақ» республикалық журналистер байқауының лауреаты.
- «Үздік бас редактор 2015» Республикалық байқауының жеңімпазы.
- ҚХА жанындағы Республикалық жетекші журналистер мен сарапшылар клубы төрағасының орынбасары
- Қазақстан Журналистика академиясының академигі
- Қазақстанның Құрметті журналисі
- Алматы облысының Құрметті азаматы
- Талдықорған қаласының Құрметті азаматы
- Көксу ауданының Құрметті азаматы
Қазақстан Республикасы Президентінің Жарлығымен «Құрмет» орденімен, «Қазақстан Республикасының Тәуелсіздігіне 10 жыл», «Қазақстан Республикасының Конституциясына 10 жыл», «Астанаға 10 жыл», «Қазақстан Республикасының Тәуелсіздігі» мерекелік медальдарымен марапатталған.
ҚР Президентінің Алғыс хаты. Қазақстан Ұлттық Олимпиада комитетінің Алтын орденінің иегері: Күрес пен самбодан КСРО спорт шебері.
Бірнеше жыл қатарынан Жетісу облыстық Қазақстан халқы Ассамблеясы жанындағы «Жетекші журналистер» клубының төрағасы.
«Жетекші журналистер» клубының негізгі міндеті – толеранттылықты нығайту, мемлекеттегі этносаралық және конфессияаралық келісімді, азаматтық бірлікті, патриотизмді және рухани-мәдени қоғамдастықты сақтау.
Негізгі жұмысы – этножурналистика саласында шығармашылық конкурстарды ұйымдастыру, тоқсан сайын этносаралық тақырыптарды қамтитын мақалалар жариялау, татулық пен бірлікті насихаттау.
Клуб – толеранттылықты, ұлтаралық, қоғамдық келісімді және азаматтық бірлікті сақтаудағы БАҚ-тың күш-жігерін біріктіруге көмектесетін тұрақты жұмыс істейтін консультативтік-сараптамалық алаң.
Қазіргі таңда клуб құрамында этносаралық қатынастар мәселелерін насихаттайтын республикалық бұқаралық ақпарат құралдарының (жетекшілері, бас редакторлары, тілшілері қатарынан) 8 журналист кірді.