Сарқан ауданы Алмалы, Қойлық ауылдарында «Бейбітшілік және келісім жолымен» Қазақстан халқы Ассамблеясының жобасы аясында көшпелі отырыс өтті.
Қазақстан Республикасы Мәдениет және ақпарат министрлігі тарапынан «Бейбітшілік және келісім» жобасы аясында Тұжырымдама әзірленіп, әр өңірде көшпелі, кешенді жұмыс жүргізу тапсырылған болатын. Жұмыстарды үйлестіру барысында «Этносаралық келісім», «Әлеуметтік және еңбек проблемаларын шешу», «Халық денсаулығы», «Халыққа білім беру», «Бизнес ортаны дамыту», «Конфессияаралық келісім», «Заңдылық, тәртіп және қауіпсіздік» бағыттары қамтылды. Облыстық деңгейде аталған бағыттар бойынша 7 адамнан тұратын ведомствоаралық жұмыс тобы жасақталды.
Жобаның мақсаты – бірқатар негізгі бағыттар бойынша өңірлердің бар проблемаларын анықтау, нақтылау және оларды шешу.
