Наурызнама онкүндігі аясында Талдықорған қаласында «Ұлттар достығы» атты ауқымды мерекелік концерт өтті. Ынтымақ күніне орайластырылған бұл іс-шара Қазақстан халқының бірлігі мен татулығының жарқын көрінісіне айналды.
Мерекелік кеште түрлі этнос өкілдері сахна төрінде өнер көрсетіп, жиналған қауымға өздерінің бай мәдениеті мен ұлттық дәстүрлерін паш етті. Ән мен биге ұласқан шара этносаралық достықтың берік екенін тағы бір мәрте дәлелдеді.
Мереке тек концерттік бағдарламамен шектелген жоқ. Қала тұрғындары мен қонақтары үшін арнайы мәдени-ойын-сауық алаңдары ұйымдастырылды:
Көпшілік дәстүрлі ұлттық ойындарға белсене қатысып, бақ сынасты.
Колоритке толы көрме-жәрмеңке өтіп, келушілерге қолөнер бұйымдары мен түрлі ұлттардың тағамдары ұсынылды.
Осының бәрі қала тұрғындарына ерекше мерекелік көңіл-күй сыйлап, көктем мерекесінің шуағын сезіндірді.
«Бірлік бар жерде – тірлік бар!» — демекші, Талдықорғанда өткен бұл іс-шара ынтымақ пен берекенің нағыз мерекесі болды.
