«ORTAQ» подкастының кезекті шығарылымында Қазақстанның жастар саясаты мен олардың қоғамдағы рөлі туралы маңызды мәселелер талқыланды. Қонақ ретінде Қазақстан халқы Ассамблеясы жанындағы «Ассамблея жастары» республикалық қоғамдық бірлестігінің төрағасы Джумурбаев Тимур Ғабдұлұлы қатысты.
Бұл әңгіме Қазақстан жастарының алдында тұрған негізгі мәселелерді және оларға ашылып жатқан кең мүмкіндіктерді жан-жақты қарастыруға арналды. Әсіресе, «Ассамблея жастары» қызметіне қосылуды ойлап жүрген немесе оған қатысуға ниетті жастар үшін бұл шығарылымның маңызы зор.
Тимур Джумурбаевтың айтуынша, «Ассамблея жастары» – бұл қоғамдық бастамаларды дамытуға және Қазақстан халқының бірлігін нығайтуға бағытталған белсенді жастардың қуатты командасы. Ұйым әртүрлі әлеуметтік топтардағы жастарға әлеуметтік лифтілерді пайдалануға, тәжірибе жинақтауға және маңызды білім алуға көмектеседі.
«Ассамблея жастары» қатарына қосылуды жоспарлағандар үшін бұл подкаст бірлестіктің мақсаттары, іске асырылатын жобалары және жастардың ел болашағын құрудағы әлеуетін іске асыруға қалай көмектесетіні туралы бірінші қолдан ақпарат алуға мүмкіндік береді.
Толық нұсқасы біздің YOUTUBE каналымызда шығады. Жастардың өмірі мен болашағына қатысты өзекті әңгімені жіберіп алмаңыздар! https://www.youtube.com/@kgukogamdykkelisim/featured