Елімізде жүзеге асырылып жатқан ауқымды саяси өзгерістер мен қоғамдық-саяси бағыттарды тиімді үйлестіру – бүгінгі күннің басты талабы. Осы мақсатта ҚР Мәдениет және ақпарат министрлігі Этносаралық қатынастарды дамыту комитетіне қарасты «Қоғамдық келісім» РММ қызметкерлері мен Жетісу облысы «Қоғамдық келісім» КММ әріптестерінің арасында мазмұнды интерактивті пікірталас өтті.
Кездесу барысында өңірлік түсіндіру жұмыстарын жетілдіру, қоғамдық келісімді нығайту және ортақ бастамаларды жүзеге асыру мәселелері жан-жақты талқыланды.
Реформалар бағыты және ақпараттық сүйемелдеу
Жиынның негізгі өзегі – Мемлекет басшысы Қасым-Жомарт Тоқаевтың бастамасымен қолга алынған саяси реформаларды сапалы жүзеге асыру және халыққа жеткізу жолдары болды. Сондай-ақ жаңадан қабылданған «Қазақстан халқы Ассамблеясы туралы» Конституциялық заңын ақпараттық тұрғыдан насихаттау мәселелеріне ерекше назар аударылды.
Талқылау барысында қозғалған негізгі бағыттар:
- Мемлекет пен қоғам диалогы: Аталған заңның мемлекеттік шешімдерді қабылдау үдерісіне азаматтардың қатысу аясын кеңейтудегі маңызы;
- Өңірлік түсіндіру жұмыстары: Жергілікті деңгейде халыққа жаңа заңнамалық нормалардың мәнін сапалы жеткізу тетіктері;
- Бірлескен бастамалар: Этносаралық сала мен қоғамдық тұрақтылықты қамтамасыз ету бағытындағы ортақ жобаларды жүзеге асыру.
«Қоғамдық келісім институты – елдегі тұрақтылық пен татулықтың тірегі. Ортақ міндеттерді үйлесімді атқару арқылы біз мемлекеттік саясаттың тиімділігін арттыра түсеміз», – деп атап өтті кездесуге қатысушылар.